“ਨੋਜਵਾਨ ਬੱਚੀ ਦੀ ਮੌਤ ਨੂੰ ‘ਕੁਦਰਤੀ ਕਾਰਨ’ ਕਹਿਣਾ ਜਵਾਬ ਵਜੋਂ ਸਵੀਕਾਰ ਨਹੀਂ ਕੀਤਾ ਜਾਵੇਗਾ। ਇੱਕ ਛੋਟੀ ਕੁੜੀ ਲਈ ਤਾਂ ਬਿਲਕੁਲ ਨਹੀਂ। ਕਿਸੇ ਦੇ ਵੀ ਬੱਚੇ ਲਈ ਨਹੀਂ। ਚੈਂਟੇਲ ਸਾਡੇ ਲਈ ਮਾਇਨੇ ਰੱਖਦੀ ਸੀ। ਉਸਦੀ ਜ਼ਿੰਦਗੀ ਹੋਰ ਵੀ ਜੀਣ ਦੀ ਹੱਕਦਾਰ ਸੀ। ਅਸੀਂ ਉਦੋਂ ਤੱਕ ਆਰਾਮ ਨਹੀਂ ਕਰਾਂਗੇ ਜਦੋਂ ਤੱਕ ਉਸਦੀ ਮੌਤ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ ਜਾਂਦਾ।”
ਅਮੇਲੀਆ ਬੋਲਟਬੀ, MLA ਪੈਂਟਿਕਟਨ-ਸਮਰਲੈਂਡ
ਬੱਚੇ ਅਤੇ ਪਰਿਵਾਰ ਵਿਕਾਸ ਆਲੋਚਕ
ਵਿਕਟੋਰੀਆ, ਬੀਸੀ: ਸੀਬੀਸੀ ਨਿਊਜ਼ ਦੁਆਰਾ ਰਿਪੋਰਟ ਕੀਤੇ ਜਾਣ ਤੋਂ ਬਾਅਦ, ਬੱਚਿਆਂ ਅਤੇ ਪਰਿਵਾਰ ਵਿਕਾਸ ਲਈ ਆਲੋਚਕ ਵੱਲੋਂ ਡੇਵਿਡ ਏਬੀ ਦੀ NDP ਸਰਕਾਰ ਨੂੰ ਚੈਂਟੇਲ ਵਿਲੀਅਮਜ਼ ਦੀ ਮੌਤ ਦੇ ਆਲੇ ਦੁਆਲੇ ਦੇ ਹਾਲਾਤਾਂ ਦੀ ਤੁਰੰਤ ਜਾਂਚ ਕਰਨ ਲਈ ਕਹਿ ਰਿਹਾ ਹੈ, ਜਦੋਂ ਸੀਬੀਸੀ ਨਿਊਜ਼ ਨੇ ਰਿਪੋਰਟ ਦਿੱਤੀ ਕਿ ਉਸਦੇ ਪਰਿਵਾਰ ਦੇ ਮੈਂਬਰਾਂ ਨੇ ਕਿਹਾ ਕਿ 18 ਸਾਲਾ ਲੜਕੀ 28 ਜਨਵਰੀ, 2025 ਨੂੰ ਪੋਰਟ ਅਲਬਰਨੀ ਵਿੱਚ ਮਰ ਗਈ। ਜਦੋਂ ਉਸਦੀ ਮੌਤ ਹੋਈ ਤਾਂ ਚੈਂਟੇਲ ਉਸਮਾ ਨੂ-ਚਾ-ਨਲਥ ਫੈਮਿਲੀ ਐਂਡ ਚਾਈਲਡ ਸਰਵਿਸਿਜ਼ ਦੀ ਦੇਖਭਾਲ ਵਿੱਚ ਸੀ।
ਚੈਂਟੇਲ ਦੇ ਪਰਿਵਾਰ ਨੂੰ ਉਸਮਾ ਦੁਆਰਾ ਸੂਚਿਤ ਕੀਤਾ ਗਿਆ ਸੀ, ਜੋ ਕਿ ਬੱਚਿਆਂ ਅਤੇ ਪਰਿਵਾਰ ਸੇਵਾਵਾਂ ਮੰਤਰਾਲੇ ਦੇ ਅਧਿਕਾਰ ਅਧੀਨ ਕੰਮ ਕਰ ਰਹੀ ਇੱਕ ਸੌਂਪੀ ਗਈ ਏਜੰਸੀ ਹੈ।
“ਅਸੀਂ ‘ਕੁਦਰਤੀ ਕਾਰਨਾਂ’ ਨੂੰ ਸੰਤੁਸ਼ਟ ਜਵਾਬ ਵਜੋਂ ਸਵੀਕਾਰ ਨਹੀਂ ਕਰਦੇ। ਇੱਕ ਛੋਟੀ ਕੁੜੀ ਲਈ ਤਾਂ ਬਿਲਕੁਲ ਵੀ ਨਹੀਂ। ਕਿਸੇ ਦੇ ਬੱਚੇ ਲਈ ਵੀ ਨਹੀਂ। ਚੈਂਟੇਲ ਮਾਇਨੇ ਰੱਖਦੀ ਸੀ। ਉਸਦੀ ਜ਼ਿੰਦਗੀ ਹੋਰ ਵੀ ਹੱਕਦਾਰ ਸੀ। ਅਸੀਂ ਉਦੋਂ ਤੱਕ ਆਰਾਮ ਨਹੀਂ ਕਰਾਂਗੇ ਜਦੋਂ ਤੱਕ ਉਸਦੀ ਮੌਤ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ ਜਾਂਦਾ,” ਪੈਂਟਿਕਟਨ-ਸਮਰਲੈਂਡ ਦੀ ਵਿਧਾਇਕ ਅਮੇਲੀਆ ਬੋਲਟਬੀ ਨੇ ਕਿਹਾ।
ਇਸ ਦੇ ਨਲ ਹੀ ਐਬਟਸਫੋਰਡ-ਮਿਸ਼ਨ ਤੋਂ MLA ਰੀਨ ਗੈਸਪਰ ਜੋ ਕਿ ਬਾਲ ਦੇਖਭਾਲ, ਬੱਚਿਆਂ ਅਤੇ ਨੌਜਵਾਨਾਂ ਲਈ ਸਹਾਇਤਾ ਲੋੜਾਂ ਲਈ ਕੰਜ਼ਰਵੇਟਿਵ ਆਲੋਚਕ ਹਨ ਉਹਨਾਂ ਨੇ ਵੀ ਇਸ ਗੰਭੀਰ ਮਸਲੇ ਤੇ ਕਿਹਾ ਕਿ “ਅਸੀਂ ਚੈਂਟੇਲ ਦੇ ਪਰਿਵਾਰ ਅਤੇ ਭਾਈਚਾਰੇ ਦੇ ਨਾਲ ਖੜ੍ਹੇ ਹਾਂ। ਅਸੀਂ ਜਵਾਬਾਂ ਦੀ ਮੰਗ ਕਰਦੇ ਹਾਂ। ਅਤੇ ਅਸੀਂ ਕਾਰਵਾਈ ਦੀ ਮੰਗ ਕਰਦੇ ਹਾਂ – ਕਿਉਂਕਿ ਇਨਸਾਫ਼ ਵਿੱਚ ਦੇਰੀ ਇਨਸਾਫ਼ ਤੋਂ ਇਨਕਾਰ ਹੈ,”
“ਇੱਕ ਨੌਜਵਾਨ ਕੁੜੀ ਦੀ ਅਚਾਨਕ ਮੌਤ—ਜੋ ਅਜੇ 18 ਸਾਲ ਦੀ ਹੋਈ ਹੋਵੇ ਤੇ ਉੱਤੋਂ ਹੋਵੇ ਵੀ ਸੂਬਾਈ ਦੇਖਭਾਲ ਅਧੀਨ—ਉਸ ਨੂੰ ਕੁਦਰਤੀ ਮੌਤ ਕਿਵੇਂ ਮੰਨਿਆ ਜਾ ਸਕਦਾ ਹੈ?” ਬੋਲਟਬੀ ਨੇ ਪੁੱਛਿਆ। “ਦੇਖਭਾਲ ਅਧੀਨ ਬੱਚੇ ਜਾਂ ਨੌਜਵਾਨ ਦੀ ਮੌਤ ਵਿੱਚ ‘ਕੁਦਰਤੀ ਕਾਰਨਾਂ’ ਵਜੋਂ ਅਸਲ ਵਿੱਚ ਕੀ ਯੋਗ ਹੈ? ਇਹਨਾਂ ਵਿੱਚੋਂ ਕਿੰਨੀਆਂ ਕੁ ਕੁਦਰਤੀ ਜਾਂ ‘ਅਣਪਛਾਤੀਆਂ’ ਮੌਤਾਂ ਸਿਸਟਮ ਦੇ ਅੰਦਰ ਹੋ ਰਹੀਆਂ ਹਨ?”
18 ਸਾਲ ਦੀ ਉਮਰ ਦੇ ਬੱਚੇ ਦਾ ਦੇਹਾਂਤ ਕੋਈ ਇਕੱਲੀ ਘਟਨਾ ਨਹੀਂ ਹੈ। ਚੈਂਟੇਲ ਬਹੁਤ ਸਾਰੇ ਮੂਲਨਿਵਾਸੀ ਬੱਚਿਆਂ ਅਤੇ ਨੌਜਵਾਨਾਂ ਵਿੱਚੋਂ ਇੱਕ ਹੈ ਜਿਨ੍ਹਾਂ ਦੀ ਹਾਲ ਹੀ ਵਿੱਚ ਮੰਤਰਾਲੇ ਦੀ ਦੇਖਭਾਲ ਦੌਰਾਨ ਮੌਤ ਹੋਈ ਹੈ।
ਕੰਜ਼ਰਵੇਟਿਵ ਪਾਰਟੀ ਸੂਬਾਈ ਸਰਕਾਰ ਨੂੰ ਚੈਂਟੇਲ ਦੀ ਮੌਤ ਦੇ ਆਲੇ ਦੁਆਲੇ ਦੇ ਹਾਲਾਤਾਂ ਦੀ ਤੁਰੰਤ ਜਾਂਚ ਕਰਨ ਅਤੇ ਹੋਈਆਂ ਅਸਫਲਤਾਵਾਂ ਨੂੰ ਸਵੀਕਾਰ ਕਰਨ ਲਈ ਕਹਿ ਰਹੀ ਹੈ ਜੋ ਮੂਲਨਿਵਾਸੀ ਬੱਚਿਆਂ ਨੂੰ ਜੋਖਮ ਵਿੱਚ ਪਾਉਂਦੀਆਂ ਰਹਿੰਦੀਆਂ ਹਨ।
2024 ਦੇ ਚੋਣ ਪਲੇਟਫਾਰਮ ਵਿੱਚ ਕੰਜ਼ਰਵੇਟਿਵਾਂ ਨੇ ਮੂਲਨਿਵਾਸੀ ਸਰਕਾਰਾਂ ਅਤੇ ਭਾਈਚਾਰਿਆਂ ਨੂੰ ਆਦਿਵਾਸੀ ਬਾਲ ਭਲਾਈ ਉੱਤੇ ਅਧਿਕਾਰ ਵਾਪਸ ਕਰਨ ਅਤੇ ਸੱਭਿਆਚਾਰਕ ਤੌਰ ‘ਤੇ ਆਧਾਰਿਤ, ਭਾਈਚਾਰਕ-ਅਗਵਾਈ ਵਾਲੇ ਇਲਾਜ ਅਤੇ ਰਿਕਵਰੀ ਪ੍ਰੋਗਰਾਮਾਂ ਦਾ ਸਮਰਥਨ ਕਰਨ ਲਈ ਵਚਨਬੱਧ ਕੀਤਾ ਸੀ,
“ਸਮੁਦਾਇ ਚੁੱਪ ਰਹਿ ਰਹਿ ਕੇ ਥੱਕ ਗਏ ਹਨ। ਸਾਨੂੰ ਹੋਰ ਰਿਪੋਰਟਾਂ, ਪ੍ਰੈਸ ਰਿਲੀਜ਼ਾਂ, ਜਾਂ ਵਾਅਦਿਆਂ ਦੀ ਲੋੜ ਨਹੀਂ ਹੈ – ਸਾਨੂੰ ਜਵਾਬਦੇਹੀ ਅਤੇ ਤੁਰੰਤ ਸੁਧਾਰ ਦੀ ਲੋੜ ਹੈ,” ਬੋਲਟਬੀ ਨੇ ਕਿਹਾ। “ਇੱਕ ਮੌਤ ਇੱਕ ਦੁਖਾਂਤ ਹੈ। ਪਰ ਜਦੋਂ ਸਿਸਟਮ ਇਸਨੂੰ ਵਾਰ-ਵਾਰ ਹੋਣ ਦਿੰਦਾ ਹੈ, ਤਾਂ ਇਹ ਜਵਾਬਦੇਹੀ ਦਾ ਸੰਕਟ ਬਣ ਜਾਂਦਾ ਹੈ।”
